1. Home
  2. Enfòmasyon an kreyòl ayisyen
  3. Kesyon ak Repons pou Anplwaye: Asèlman nan Travay

Kesyon ak Repons pou Anplwaye: Asèlman nan Travay

  1. Ki kalite asèlman lwa federal yo kouvri kont diskriminasyon nan travay ke EEOC fè aplike? Lwa federal entèdi asèlman nan travay ki konsène ras, koulè, relijyon, orijin nasyonal, sèks (tankou gwosès, akouchman, ak pwoblèm sante ki lye; oryantasyon seksyèl; ak idantite sèks), andikap, laj (40+), oswa enfòmasyon jenetik.  
  2. 2. Kisa ki ta egzanp konpòtman asèlman nan espas travay ke la lwa federal kouvri? Pami egzanp konpòtman asèlman nou ka site, men se pa sa sèlman, di oswa ekri move pwopo etnik, rasis, relijye, oswa sèksyèl; montre senbòl tankou yon nekoulan, senbòl rayisman relijye oswa etnik, oswa desen karikati rasis; pataje pònografi oswa imaj seksyèl imilyan nan anviwònman travay la; imite limitasyon yon moun akoz yon andikap oswa moke aksan yon moun; menase oswa entimide yon moun akòz kwayans relijye yo, rad relijye yo, oswa absans kwayans relijye yo; oswa tripote, manyen, oswa nenpòt kalite atak fizik souyon moun. 
  3. Ki lè konpòtman asèlman vin yon vyolasyon lwa federal? Si konpòtman asèlman an tèlman grav oswa fèt tèlman souvan ke yon moun rezonab nan pozisyon w t ap twouve sitiyasyon an abizif (epi ou reyèlman twouve li abizif), kidonk, sa a se yon "anviwònman travay ostil." Yon anviwònman travay ostil vyole lwa federal si ostilite a baze sou omwen youn nan karakteristik pwoteje ki liste nan repons kesyon #1. Asèlman akòz yon karakteristik ki pwoteje kont lalwa tou si konpòtman asèlman an antrene chanjman nan travay ou, tankou yo te degradasyon, rediksyon lè travay, pèt nan salè, oswa revokasyon.
  4. Kòlèg mwen avè m (oswa patwon mwen avè m) pa antann nou, epi yo kritike m san okenn rezon. Èske sa a ta kapab yon asèlman ki vyole lwa federal EEO yo? Lwa  federal EEO yo pa kouvri konfli pèsonalite, dezakò, oswa enkonpatibilite pou kont yo, sof si konduit asèlman an baze sou omwen youn nan karakteristik pwoteje ki liste nan repons a kesyon #1.
  5. Èske se fanm sèlman ki kapab sibi asèlman seksyèl?  Non, nenpòt moun, kèlkeswa sèks li, kapab sibi asèlman seksyèl.
  6. Èske asèlman seksyèl dwe baze sou dezi seksyèl pou lalwa kouvri li? Non, asèlman seksyèl ka enplike yon konpòtman ki gen entansyon jennen, entimide, oswa minimize yon moun akoz de sèks li.
  7. Mwen travay adistans epi mwen kominike sou entènèt ak yon kòlèg ki ap asele mwen.  Èske mwen pwoteje malgre mwen pa ale nan biwo a? Wi. Asèlman  ilegal kapab rive nan yon anviwònman travay fizik oswa yon anviwònman vityèl.

  8. Kisa mwen ta dwe fè si mwen kwè ke m ap sibi asèlman nan travay mwen? Si w panse w ap sibi asèlman nan travay ou, ou ta dwe pran mezi apwopriye byen bonè pou anpeche asèlman an kontinye oswa vin pi mal. Ou ta dwe di moun k ap asele w la ke ou twouve konpòtman an endezirab. Si ou pa santi w alèz pou ou konfwonte moun k ap asele w la oswa si asèlman an pa sispann, ou ta dwe di anplwayè a sa. Anplwayè a gendwa genyen yon règleman kont asèlman  ki bay detay sou kijan pou rapòte asèlman .

     

Enabled In-page Navigation