Diskriminasyon baze sou Gwosès ak Diskriminasyon baze Andikap ki Lye ak Gwosès

Diskriminasyon baze sou gwosès kont lalwa. EEOC fè aplike twa lwa federal ki pwoteje aplikan pou travay ak anplwaye ki ansent.

Premye lwa a se Tit VII nan Civil Rights Act of 1964 [Lwa sou Dwa Sivil 1964],jan Pregnancy Discrimination Act [Lwa sou Diskriminasyon Gwosès] la amande l la. Li rele "Tit VII." Li entèdi diskriminasyon baze sou sèks, ki gen ladan diskriminasyon kont gwosès. Diskriminasyon kont "Gwosès" daprè Tit VII kapab baze sou:

• Gwosès aktyèl;
• Gwosès ki pase deja;
• Gwosès potansyèl;
• Pwoblèm sante ki lye ak gwosès oswa akouchman tankou bay tete/laktasyon;
• Fè oswa chwazi pa fè yon avòtman;
• ak Planin (Kontrasepsyon).

Dezyèm lwa a se Pregnant Workers Fairness Act [Lwa sou Ekite Travayè Ansent], ki rele “PWFA”. PWFA egzije ke anplwayè lwa a kouvri bay travayè akomodasyon rezonab pou yon limitasyon li okouran ki lye ak gwosès, akouchman, oswa pwoblem sante ki lye, sof si akomodasyon an ap antrene gwo difikilte pou patwon an.

Twazyèm lwa a se Americans with Disabilities Act [Lwa sou Ameriken ki gen Andikap yo], ki rele “ADA”. ADA entèdi diskriminasyon kont yon aplikan oswa yon anplwaye, ki baze sou yon andikap tankou yon andikap ki lye ak yon gwosès tankou dyabèt ki devlope pandan gwosès la. Malgre gwosès li menm yon andikap dapre ADA a, kèk travayè ansent kapab gen youn oswa plizyè defisyans ki lye ak gwosès la ki kalifye kòm yon andikap” dapre ADA.  Yon patwon ka oblije bay travayè sa a yon akomodasyon rezonab pou andikap ki lye ak gwosès la.

ADA egzije tou pou patwon yo kenbe tout dosye ak enfòmasyon medikal menm sa ki gen rapò ak gwosès yo konfidansyèl epi nan yon dosye medikal separe. 

Gwosès ak Sitiyasyon nan Travay

Tit VII ak ADA a kouvri diskriminasyon nan travay nan tout aspè travay, tankou:

• Anbochaj oswa aplikasyon pou travay ak pwosesis seleksyon;
• salè, repatisyon travay, pwomosyon;
• Fòmasyon, avantaj sosyal yo, oswa nenpòt lòt tèm oswa kondisyon travay; ak
• Revokasyon, rediksyon lè travay, mete an disponiblite oswa kanpe travay.

Gwosès ak Akomodasyon nan Espas Travay

Dapre PWFA a, yon anplwayè dwe akomode limit yon travayè li te ye ki gen rapò ak gwosès, akouchman, oswa kondisyon medikal ki gen rapò, absan difikilte twòp. PWFA entèdi tou yon anplwayè fòse yon travayè pran yon akomodasyon, absan sèten etap, ak li entèdi yon patwon pou mande yon travayè pran konje si gen yon lòt aranjman ki pa lakòz yon gwo difikilte ki pral pèmèt travayè a rete travay la.

Travayè yo ka gen dwa tou pou akomodasyon dapre Tit VII oswa ADA .

Gwosès ak Asèlman

Li ilegal pou asele yon travayè akòz gwosès, akouchman, oswa yon pwoblèm sante ki lye ak gwosès oswa akouchman, oswa akòz yon andikap fizik oswa mantal ki lye ak gwosès.

Aprann plis sou asèlman.

Travayè ki Gen Responsablite pou Bay Swen

Fè diskriminasyon kont paran k ap travay ak kont lòt moun ki gen responsablite pou bay swen andeyò de travay yo vyole Tit VII la si vyolasyon sa a baze sou sèks anplwaye a. Dapre ADA, anplwayè pa kapab fè diskriminasyon kont anplwaye akoz asosiyasyon yo avèk yon moun ki gen yon andikap ke y ap bay swen, pa egzanp.

Aprann plis sou diskriminasyon kont moun ki ap bay swen.

Reprezay ak Entèferans

Tit VII, PWFA, ak ADA pwoteje travayè yo kont reprezay. Li ilegal pou yon anplwayè fè reprezay kont travayè yo paske li patisipe nan pwosesis opòtinite egal nan travay oswa paske li opoze yon pratik lwa antidiskriminasyon an rann ilegal.

PWFA ak ADA  rann entèferans nan dwa PWFA ak ADA  bay yo ilegal tou.

Aprann plis sou reprezay ak entèferans.

Gwosès ak Lòt Lwa sou Espas Travay

Travayè ansent ak nouvo paran yo ka gen dwa adisyonèl dapre Family and Medical Leave Act [Lwa sou Konje Maladi ak Fanmi] (FMLA). Travayè ki bezwen tire lèt yo nan espas travay la ka gen dwa adisyonèl dapre Fair Labor Standards Act [Lwa sou Nòm Travay Ekitab] (FLSA). Se U.S. Department of Labor's Wage and Hour Division [Divizyon Salè ak Orè Depatman Travay Etazini] ki veye a aplikasyon de lwa sa yo.

Gen lwa eta ki prevwa pwoteksyon adisyonèl tankou akomodasyon pou travayè ansent, konje peye ak konje san peye kote travay ou asire, pwoteksyon kont diskriminasyon, ak lòt dwa konsènan alètman.

Kisa pou W Fè Si W Panse W te Sibi Diskriminasyon

Si w te aplike pou yon travay oswa ou se yon anplwaye epi w kwè w anplwayè a te fè diskriminasyon kont ou akòz gwosès oswa yon andikap ki lye ak gwosès, ou kapab depoze yon akizasyon pou diskriminasyon nan EEOC. Aprann plis sou depoze yon akizasyon pou diskriminasyon.

Si sepou yon  travay Federal  ou te aplike a oswa ou se yon anplwaye Federal nan sitiyasyon sa a, ou ka aji,   depoze yon plent nan ajans federal konpetan an.